Lajçak e përmend shtatorin për takim Kurti-Vuçiq, thotë se pati 'diskutime thelbësore' me këtë të fundit
Emisari i Bashkimit Evropian për dialogun Kosovë-Serbi, Miroslav Lajçak ka bërë të ditur se e ka përfunduar takimin me presidentin serb, Aleksandër Vuçiq.
Lajçak përmes një shkrimi në Twitter, ka thënë se kanë biseduar për takimin e radhës të nivelit të lartë në shtator.
Po ashtu, është diskutuar edhe për përpjekjet për uljen e tensioneve dhe mbajtjen e zgjedhjeve të reja në veri të Kosovës.
Po ashtu, sipas Lajçak, kanë folur edhe për implementimin e të gjitha marrëveshjeve të Dialogut.
“Në Beograd sot, pata diskutime thelbësore me presidentin Aleksandër Vuçiq rreth takimit të radhës të nivelit të lartë, përpjekjeve për uljen e tensioneve dhe mbajtjen e zgjedhjeve të reja në komunat në veri, po ashtu, edhe për implementimin e të gjitha marrëveshjeve të dialogut.” – ka shkruar ai.
In Belgrade today, I had substantive discussions with @predsednikrs @avucic about the next High-level Meeting in September, efforts to lower tensions and hold new local elections in the north of Kosovo, as well as the implementation of all Dialogue Agreements. pic.twitter.com/O2yxwRVVyK
— Miroslav Lajčák (@MiroslavLajcak) August 30, 2023
