Kurti takon futbollisten me famë botërore, Kosovare Asllani
Kryeministri i Republikës së Kosovës, Albin Kurti ka pritur sot në takim futbollisten me famë botërore nga Kosova, me nënshtetësi të Suedisë, Kosovare Asllanin.
Futbollistja Kosovare Asllani në këtë takim ishte e shoqëruar nga babai i saj.
Kryeministri me këtë rast shprehu falënderimet më të sinqerta për Kosovaren dhe familjen e saj, për rezultatet e jashtëzakonshme në futboll si dhe për kontributin e vazhdueshëm në promovimin e vendit tonë.
Futbollistja Kosovare Asllani e cila aktualisht luan për AC Milan, ka realizuar mbi 90 ndeshje me Suedinë, ndër to – 2 herë ka fituar medalje të argjendë në Lojërat Olimpike dhe në 2019 ka marrë vendin e tretë në World Cup.
Në takimin e përbashkët me Ministrin e Kulturës, Rinisë dhe Sportit, Hajrulla Çeku dhe zëvendësministren, Daulina Osmani, u vlerësua karriera e bujshme e Kosovares në pozitën e sulmueses, ku përveç që përfaqëson kombëtaren e Suedisë, ka luajtur edhe në ekipe të nivelit më të lartë profesional të futbollit, si në Paris Saint-Germain, Manchester City, Real Madrid.
