Kurti për tensionet në veri: Bëhet fjalë për grupe të orkestruara për të destabilizuar Kosovën
Në një intervistë të fundit për NBC News, kryeministri i Kosovës Albin Kurti shprehu shqetësimet e tij për përpjekjet e Beogradit për të kufizuar pluralizmin politik dhe rolin e luajtur nga Kina dhe Rusia në tensionet e vazhdueshme. "Beogradi dëshiron që vetëm lista serbe të përfaqësojë komunitetin serb, nuk mund të ketë demokraci pa pluralizëm politik." Për të de-përshkallëzuar situatën, Kurti tha se duhet larguar grupet e dhunshme ekstremiste që operojnë në veri, qoftë duke i kthyer në Serbi ose duke i arrestuar brenda Kosovës. Ai hodhi poshtë akuzat për sjellje të papërshtatshme nga forcat e policisë, duke theksuar profesionalizmin e tyre dhe trajnimin e gjerë të marrë nga Shtetet e Bashkuara, vendet e Bashkimit Evropian dhe Britania e Madhe gjatë dy dekadave të fundit.
Kurti shprehu shqetësimin për praninë e turmave të dhunshme në Kosovë, duke theksuar se veprimet e tyre janë të orkestruara me qëllim të destabilizimit të rajonit dhe promovimit të një agjende më të madhe për Beogradin. Ai sqaroi se këto turma nuk përfaqësojnë popullin serb në tërësi, por një fraksion të caktuar me qëllime të fshehta. "Nuk bëhet fjalë për popullin serb. Bëhet fjalë për turma të dhunshme të orkestruara, të cilat janë atje për të destabilizuar Kosovën dhe për një hegjemoni më të madhe të Beogradit zyrtar." - tha Kurti
Më tej kreu i Qeverisë së Kosovë tha se Serbia gëzon investime të rëndësishme kineze dhe bashkëpunim të fortë ushtarak dhe energjetik me Rusinë. Kurti pohoi se kjo mbështetje nga regjimet autoritare mund të rrjedhë nga dëshira për të penguar Kosovën, një histori suksesi që rezultoi nga ndërhyrja e NATO-s në vitin 1999, që të përparojë si një shtet i pavarur. "Mund të supozoj se një Federatë e veçantë Ruse nuk dëshiron që Kosova të ketë sukses si shtet, sepse ne jemi një histori suksesi e ndërhyrjes së NATO-s në vitin 1999 për të ndaluar gjenocidin serb." - deklaroi kreu i ekzekutivit.
"Ne nuk kemi asnjë marrëdhënie as me Rusinë dhe as me Kinën. Por, në të kundërtën e kësaj qëndron Serbia e cila ka shumë investitorë kinezë dhe bashkëpunim të madh ushtarak dhe energjetik me Federatën Ruse. Kosova është vendi më demokratik në Ballkanin Perëndimor. Kemi pasur progres të madh demokratik dhe ekonomik sidomos në këto dy vitet e fundit. Ne nuk kemi asnjë marrëdhënie as me Rusinë dhe as me Kinën. Por, në të kundërtën e kësaj qëndron Serbia e cila ka shumë investitorë kinezë dhe bashkëpunim të madh ushtarak dhe energjetik me Federatën Ruse." - tha tutje ai.
“Ne nuk jemi një vend i madh, por jemi një shembull i shkëlqyer që demokracia dhe ekonomia mund të rriten së bashku. Prandaj besoj se Serbia ka mbështetjen e drejtpërdrejtë ose të tërthortë të të gjitha regjimeve autoritare." - pohoi Kurti për NBC News.
Duke iu përgjigjur pyetjeve për tensionet e fundit në veri, Kurti ka mbrojtur sjelljen e Policisë së Kosovë, duke thënë se nuk ka dëshmi për sjellje të pahijshme.
Ai theksoi se Policia e Kosovës është shumë profesionale, pasi ka marrë trajnime të gjera nga Shtetet e Bashkuara, vendet e Bashkimit Evropian dhe Britania e Madhe gjatë dy dekadave të fundit. Kurti fajësoi për dhunën turmat e orkestruara që synojnë të destabilizojnë Kosovën dhe të zgjerojnë ndikimin e Beogradit.
“Nuk ka asnjë dëshmi se Policia e Kosocë është sjellë në mënyrë të papërshtatshme. Policia e Kosovës është policia më profesionale në Ballkanin Perëndimor. Është trajnuar për më shumë se 20 vjet nga Shtetet e Bashkuara, nga vendet e BE-së dhe MB. Pra, ata janë të orientuar nga perëndimi dhe të trajnuar nga perëndimi. Nga ana tjetër kemi këto turma. Nuk bëhet fjalë për popullin serb. Bëhet fjalë për grupe të dhunshme të orkestruara, të cilat janë atje për të destabilizuar Kosovën dhe për një hegjemoni më të madhe të Beogradit zyrtar.”
Për të de-përshkallëzuar situatën, Kurti bëri thirrje për largimin e grupeve të dhunshme ekstremiste, qoftë duke i kthyer në Serbi ose duke i arrestuar brenda Kosovës. Ai theksoi nevojën për zgjedhje të parakohshme për të forcuar legjitimitetin dhe kërkoi nga Bashkimi Evropian që të luajë një rol aktiv në dialogun ndërmjet Kosovës dhe Serbisë.
"Për deeskalim, na duhen këto turma të dhunshme, këta ekstremistë, ose të kthehen në Serbi sepse nga këtu kanë ardhur në radhë të parë ose të arrestohen në Kosovë dhe pastaj me siguri zgjedhje të parakohshme. Ne nuk mund të vazhdojmë pafundësisht me legjitimitet 3.5 për qind dhe në të njëjtën kohë duhet që BE të jetë aktive në këtë dialog."
Lidhur me dialogun e vazhdueshëm me Serbinë, Kurti theksoi nevojën për një qasje largpamëse, duke hedhur poshtë çdo përpjekje për t'u rikthyer në periudhat e kaluara. Ai pohoi se e ardhmja e Kosovës qëndron në Bashkimin Evropian, demokracinë, të drejtat e njeriut, sundimin e ligjit dhe NATO-n.
"Ne duhet të sigurohemi që do të kemi udhërrëfyes të sekuencës së zbatimit të balancuar dhe të drejtë të marrëveshjes bazë që kemi miratuar me Serbinë më 27 shkurt në Bruksel. Ky traktat bazë ka në qendër të tij njohjen de facto të paqes të modeluar sipas dy marrëveshjeve të Gjermanisë nga viti 1972. Dy shtete që jetojnë krah për krah.- tha Kurti.
