Kurti e Murati e vizitojnë pensionisten 113-vjeçare, i dhurojnë një buçetë me lule
Kryeministri Albin Kurti dhe ministri i Financave, Hekuran Murati, kanë vizituar bashkë një grua të moshuar. Më saktësisht, këta dy vizituan një 113-vjeçare, e cila është pensionistja më e vjetër në Kosovë.
Murati ka shkruar në Facebook se ajo është e lindur në vitin 1909 dhe se ajo vazhdon të jetë e kthjellët.
“Bashkë me Kryeministrin Kurti, pas vizitës tek prodhuesit vendorë, sot ishim në vizitë edhe te halla Xhezide, e cila me 113 vite është pensionistja më e moshuar në Republikën tonë.
E lindur në vitin 1909, ajo ka përjetuar shumë situata e ndryshime epokash. Por pavarësisht moshës së shtyrë ajo ende kishte kthjelltësinë e mendjes dhe forcën fizike.” – shkroi Murati.
