"Jemi të armatosur": gazetari francez publikon pamjet e "shqiptarëve me maska" në veri
Regis Le Sommier, redaktor menaxhues i medies hulumtuese “Omerta” ka postuar një video në profilin e tij të verifikuar në rrjetin social “Twitter”.
Në videon e shkurtër, shihen disa banorë të maskuar, që sipas pretendimit të Sommierit janë shqiptarë të Mitrovicës së Veriut, e që banojnë në atë që ai e quan “Bosnia e vogël”, që duket të jetë referim i gabuar për “Lagjen e Boshnjakëve”.
Në video dëgjohet edhe një dialog në frengjisht mes banorëve dhe gazetarit, duke theksuar se banorët e pretenduar shqiptarë janë të armatosur.
#Kosovo #Mitrovica
— Régis Le Sommier (@LeSommierRgis) December 10, 2022
Rencontre dans le quartier "petite Bosnie“ avec des jeunes albanais cagoulés. "On a des armes“ "Je suis bien avec la police, elle est albanaise" La veille, des incidents ont été perpétrés par de jeunes serbes. En cause: présence nouvelle de policiers kosovars. pic.twitter.com/rdNdDLNANM
"Kemi dalë sepse mbrëmë kanë gjuajtur me granata serbët. Sonte kemi dalur për ta mbrojtur vendin. Edhe ne jemi të armatosur. Policia e Kosovës e dinë që kemi edhe ne armë. I kemi kontaktet e mira me policinë kosovare" – theksohet në dialogun mes një banori të maskuar dhe gazetarit Regis Le Sommier.
