Italia tregon se ka pasur një sulm të madh nga hakerët

Mijëra serverë kompjuterësh në Itali dhe në mbarë botën janë shënjestruar nga një sulm ransomware, njoftoi sot Agjencia Kombëtare e Sigurisë Kibernetike e Italisë (ACN), duke paralajmëruar kompanitë dhe institucionet që të marrin masa për të mbrojtur sistemet e tyre.

Sulmi i hakerëve u përpoq të shfrytëzonte një dobësi të softuerit, tha për Reuters CEO i ACN Roberto Baldoni, duke shtuar se sulmi ishte masiv. Agjencia italiane e lajmeve ANSA, duke cituar ACN, raportoi se serverët ishin komprometuar në vende të tjera evropiane, si Franca dhe Finlanda, si dhe në Shtetet e Bashkuara dhe Kanada.

Dhjetra organizata të prekura

Dhjetra organizata italiane me gjasë u prekën dhe shumë të tjera u paralajmëruan të merrnin masa për të shmangur prishjen e sistemeve të tyre. Klientët e Telecom Italia raportuan probleme me internetin më herët të dielën. /Nacionale/