Ish-ministri i Jashtëm i Suedisë: Propozimi evropian është marrëveshje e drejtë për Kosovën dhe Serbinë
Ish-ministri i Punëve të Jashtme, Carl Blidt konsideron se propozimi Evropian për normalizimin e marrëdhënieve mes Kosovës dhe Serbisë është një ofertë e drejtë sipas tij.
Bildt ka komentuar në postimin e ish-ministrit të Punëve të Jashtme të Kosovës, Petrit Selimi, i cili ka cituar qëndrimin e përfaqësuesit special të BE-së për dialogun Kosovë-Serbi, Miroslav Lajçak, duke u shprehur “nënshkruani marrëveshjen ose përballuni me pasoja”.
Sipas suedezit, marrëveshja e propozuar nga BE-ja hapë rrugë që të dy vendet të ecnin përpara duke shtuar se nuk ka tjetër rrugëdalje për asnjërën palë.
“Është një marrëveshje e drejtë për Kosovën dhe Serbinë që është në tavolinë tani. Kjo do t’i lejonte dy vendet të ecnin përpara, të përmbushin kërkesat e rëndësishme themelore të të dyve, por të shmangen nga kërkesat e tyre maksimale përkatëse. Thjesht nuk ka asnjë rrugë tjetër realiste përpara për asnjërin nga dy vendet”, ka shkruar Blidt në llogarinë e tij në Twitter.
It’s a fair deal for 🇽🇰 🇷🇸 that’s on the table now. It would allow both of them to move forward, meets important basic demands of both, but shies away from their respective maximum demands. There is simply no other realistic way forward for either of the two countries. https://t.co/tYZMOMl7Pc
— Carl Bildt (@carlbildt) January 29, 2023
