Haradinaj me thirrje për qytetarët në Maqedoni: Mos i besoni Kurtit, tentoi edhe në Shqipëri njëjtë por e përzunë

Kryetari i Aleancës për Ardhmërinë e Kosovës, Ramush Haradinaj ka reaguar pas deklaratave të kryeministrit Albin Kurti në Maqedoninë e Veriut.

Haradinaj përmes një shkrimi në Facebook, ka bërë thirrje që mos t’i besohet Kurtit.

“Pasi nuk mund t'i gënjej më kosovarët, paska ardh të ju mashtrojë ju, për rrugën Tetovë - Prizren.” – ka thënë tutje ai.

Në fund, Haradinaj ka deklaruar Kurti tentoi njëjtë edhe në Shqipëri, por nuk i besuan dhe “e përzunë”.

Postimi i plotë:

Të dashur bashkombas shqiptarë në Maqedoni të Veriut,

Mos i besoni mashtruesit Albin Kurti. Në Kosovë i ka bllokuar të gjitha rrugët e projektet, përfshirë edhe rrugën e Plavës.

Pasi nuk mund t'i gënjej më kosovarët, paska ardh të ju mashtrojë ju, për rrugën Tetovë - Prizren.

Edhe në Shqipëri tentoi njëjtë, por nuk i besuan dhe e përzunë. As ju mos bini pre e mashtrimeve të tij.