Gërvalla apel ndërkombëtarëve: Pranojeni, politika e zbutjes ndaj Serbisë ka dështuar

Kryediplomatja e Kosovës, Donika Gërvalla, i ka bërë thirrje ndërkombërtarëve të pranojë faktin se “politika e zbutjes ndaj Serbisë ka dështuar”.

Ajo ka thënë më tej se “regjimi i Vuçiqit përbën një kërcënim për paqen dhe stabilitetin e Evropës”.

Postimi:

Kosova sot ka konfirmuar se një nga terroristët që mori pjesë në sulmin vdekjeprurës ndaj Policisë sonë, ka shërbyer si truprojë e shefit të shërbimit të fshehtë të Serbisë në vitin 2013.

Ne gjetëm gjithashtu një certifikatë që lidhte drejtpërdrejt ushtrinë serbe me një nga armët e sekuestruara.

I bëj thirrje komunitetit ndërkombëtar të pranojë se politika e zbutjes ndaj Serbisë ka dështuar. Nevojitet një ndryshim thelbësor.

Regjimi i Vuçiqit përbën një kërcënim për paqen dhe stabilitetin e Evropës. Këtë herë, ne nuk mund të përballojmë t'i kthehemi biznesit si zakonisht.