Eurodeputeti francez i lirë propagandon në Kosovë: Mafia shqiptare udhëheq me Kosovën, UÇK terroriste
Nicolas Bay, deputet i Parlamentit Evropian nga Franca, që me bindje është ekstremist i krahut të djathtë, po qëndron në Kosovë. Vizitën e tij, eurodeputeti francez e filloi më 27 tetor në veriun e Kosovës, ku qëndroi për një kohë, për të udhëtuar drejt Manastirit të Deçanit. Bay ishte edhe në Prizren, teksa postimi i tij i fundit nga udhëtimi në Kosovës është nga Graçanica, ku ka vizituar Manastirin e Graçanicës. Qytetet kosovare i ka ndryshuar, por gjuha e tij mbetet e njëjtë, ai është plot mllef e urrejtje ndaj Kosovës e shqiptarëve.
Anëtari i Frontit Nacional të politikanes kontraverese Marine Le Pen përdori një gjuhë aspak korrekte karshi shtetit kosovar. Secili shkrim i tij në Tëitter shpërfaqë një urrejtje ndaj shtetit të Kosovës, të cilën e quan shtet islamik të udhëhequr nga mafia shqiptare.
Eurodeputeti francez ka bërë propagandë të vazhdueshme në Tëitter, ku ndiqet nga mbi 100 mijë persona, kundër Republikës së Kosovës, duke e cilësuar si Kosovën si vend të pushtuar nga shqiptarët myslimanë.
Propagandë: UÇK në shënjestër
Bay po e viziton Ballkanin Perëndimor pas një ftese që mori nga deputeti i Parlamentit të Serbisë, Jovan Palaliq, e më të cilin eurodeputeti, siç shkruan vetë ai, diskutoi për situatën në Kosovë.
Nga Beogradi, francezi u nis për në veri të Kosovës, nga ku edhe filloi fushatën propaganduese kundër Kosovës e pro Serbisë.
Nga Ura e Ibrit, Bay postoi një fotografi me disa persona, të cilën ai tha se kanë luftuar në luftën e Kosovës, duke e quajtur UÇK-në “terroriste”.
🔴 Nous étions il y a quelques heures encore à Mitrovica où une vaste opération de police vient de débuter dont l’objectif est d’intimider les serbes, d’entraver leur liberté de circulation, en particulier entre le Kosovo et le reste de la Serbie. https://t.co/Kt48R3KWyM
— Nicolas Bay (@NicolasBay_) October 28, 2022
Nga Mitrovica, Bay lëshoi edhe një video, duke theksuar se mbi urën e Ibrit, “serbët e krishterë mbrojtën territorin e tyre kundër sulmeve të terroristëve shqiptarë të UÇK-së.”
Tutje, Bay tha se aksionet e Policisë në Mitrovicë kanë për qëllim të frikësojnë serbët, të cilët ai i vlerëson si “mburojë e qytetërimit evropian”.
Nga veriu, eurodeputeti francez, që veten e quan katolik roman, shkoi në Manastirin e Deçanit, nga ku bëri disa postime në Twitter.
“Biseduam me Abatin Sava Janjiq në Manastirin e Deçanit. Një xhevahir i krishterimit dhe një prani e vazhdueshme e murgjve për tetë shekuj, qoftë gjatë pushtimit osman, periudhës komuniste dhe sot, pushtimit shqiptar.”, shkroi Bay.
Échange avec le père abbé Sava Janjic au monastère Visoki Decani. Un joyau de la chrétienté et une présence constante des moines depuis huit siècles, que ce soit lors de l’invasion ottomane, de la période communiste et aujourd’hui, de l’occupation albanaise. @DecaniMonastery pic.twitter.com/Q1SgJIaJOh
— Nicolas Bay (@NicolasBay_) October 28, 2022
Për këtë takim shkroi edhe vetë Manastiri i Deçanit, që tha se Bay dhe kolegët e tij treguan interesim të veçantë për situatën në Kosovë dhe mbrojtjen e trashëgëmisë krishtere.
Ani pse iku nga veriu, Bay nuk harroi të vazhdonte të sulmonte UÇK-në, duke e akuzuar se kidnapoi dhe vrau 200 civilë gjatë luftës së viteve 1998-1999.
Entre 1998 et 2000, des centaines de civils serbes du Kosovo ont été kidnappés, assassinés et abandonnés dans des charniers par les milices terroristes de l’UCK.
— Nicolas Bay (@NicolasBay_) October 29, 2022
En souvenir de ces disparus et en soutien aux familles endeuillées, Negovan Mavric mène le combat contre l’oubli. pic.twitter.com/eW4zBpgD5v
Që nga 29 tetori, eruodeputeti francez me bindje ekstreme po qëndron në Prizren, nga ku ka bërë disa postime.
“Prizreni, qytet evropian dhe ish-qytet i mbretërve të Serbisë, sot është i pushtuar nga Shqiptarët myslimanë. Në këtë tokë të Evropës, kishat janë zëvendësuar nga xhamitë. Ndërkohë, qeveritë perëndimore kanë kthyer krytë anash”, shkroi Bay në mbishkrimin e videos të postuar përpara xhamisë qendrore në Prizren, "Sinan Pasha".
Prizren, ville européenne et ancienne ville des rois de Serbie, est aujourd’hui occupée par les Albanais musulmans.
— Nicolas Bay (@NicolasBay_) October 29, 2022
Sur cette terre d’Europe, les églises ont été remplacées par des mosquées. Pendant ce temps, les gouvernements occidentaux ont détourné le regard. pic.twitter.com/fGrsjlcgPr
Edhe në një postim tjetër, Bay u mor me xhamitë e ndërtuara dhe kishat që sipas tij u rrënuan nga “shqiptarët myslimanë”.
“Derisa në Kosovë janë shkatërruar 150 kisha, në 20 vitet e fundit janë ndërtuar 400 xhami. E ardhmja e qytetërimit tonë është në rrezik edhe këtu, në Prizren.”, shkroi ai.
Ai bëri edhe një tjetër postim në Twitter nga Prizreni, duke e bërë të qartë në mënyrë indirekte se nuk e njeh shtetin e Kosovës, pasi e futi në thonjëza termin “qeveri”.
“Dëshmi tjetër se “qeveria” kosovare është vetëm një derivat i mafisë shqiptare dhe shtet i islamizuar: ata përdorin drejtpërdrejt fëmijët për propagandën e tyre duke i bërë të valëvijnë flamurin shqiptar në rrugët e Prizrenit.”, shkroi ai.
Gazeta Nacionale ka dërguar pyetje në adresë të Policisë së Kosovës për të pyetur nëse janë në dijeni për propagandën kundër Republikës së Kosovës nga ana e Bay. Po ashtu, Nacionale pyeti Policinë nëse janë duke e analizuar përmbajtjen plot urrejtje ndaj shqiptarëve të eurodeputetit francez. Deri në botimin e këtij shkrimi, Policia nuk ka kthyer ende përgjigje.
