Elvis Hoxha e ofendon Lumir Abdixhikun: Skizofreni i vogël, shpiku grupin e Tiranës
Elvis Hoxha, anëtar i Kryesisë së Lëvizjes Vetëvendosje, ka shkruar një postim, në të cilin ka kritikuar Lumir Abdixhikun, kryetar i LDK-së.
Në fakt, përtej kritikës, z. Hoxha është lëshuar në gjuhë ofenduese, duke e quajtur “skizofren” z. Abdixhikun, pasi ky i fundit dy ditë më parë i kritikoi aktivistët e VV-së nga Tirana, të cilët i quan “Grupi i Tiranës”.
“Kuptova vetëm se skizofreni i vogël Lumir, nuk di se si të jetë kryetari në fazën e tretë të LDK-së. Sepse mendojeni mirë: pas fytyrës së LDK-së, Rugovës, vjen shfytyrimi i LDK-së, Mustafa. I gjori Lumir nuk po di a t'ketë a mos ketë fytyrë. Në pritje të përfundimit të reflektimit, për me kalu kohën, shpiku grupin e Tiranës.” – shkroi ai.
