Durmishi: Komuna e Vitisë po kyçet në autostradë
Zëvendësministri i Infrastrukturës, Hysen Durmishi, ka bërë të ditur se Komuna e Vitisë do të kyçet në Autostradën “Arbën Xhaferi”.
Durmishi ka thënë se sot gjatë ditës kanë filluar procedurat e prokurimit për kyçjen në autostradë në fshatin Gërlicë.
Për ndërtimin e kësaj kyçje do të shpenzohen 2.8 milionë euro të cilat janë planifikuar veçse.
Durmishi me mburrje ka shkruar se “viti i ardhshëm do të jetë vit i investimeve të mëdha”.
Shkrimi i plotë i tij:
Komuna e Vitisë po kyçet në autostradë
Pas përfundimit të projektit dhe elaboratit të shpronësimit, sot ka filuar procedura e prokurimit për kyçjen në autostradë në fshatin Gërlicë.
Vlera e planifikuar e projektit është 2.8 milion euro.
Po i shfrytëzojmë këta muaj të dimrit për t'i përfunduar procedurat në mënyrë që në pranverë të fillojmë me punime.
Viti i ardhshëm do të jetë vit i investimeve të mëdha.
