"Do të testojnë armë sulmuese": Maqedonci flet për ‘stërvitjet’ ushtarake që po zhvillon Serbia - NACIONALE

"Do të testojnë armë sulmuese": Maqedonci flet për ‘stërvitjet’ ushtarake që po zhvillon Serbia

1 muaj më parë

nga NACIONALE

Ushtrimet e mëdha ushtarake që Serbia po i kryen në pjesën jugore të saj janë alarmuese për sigurinë dhe stabilitetin e rajonit, ka thënë Ministri i Mbrojtjes i Kosovës, Ejup Maqedonci, duke folur në një intervistë për A2 CNN.

Të gjitha veprimet që deri më tani ka ndërmarrë i ka kamufluar Serbia si përgatitje dhe militarizim për mbrojtje. Serbia do të testojë pajisje sulmuese dhe jo mbrojtëse. Edhe pse ka vendosur 48 baza në kufi me Kosovën në jug të territorit të saj, ka vazhduar të proklamojë se gjithë ky mobilizim ka qenë për të përgatitur mbrojtjen e territorit. Nesër do të jemi dëshmitarë që Serbia do të testojë kapacitete sulmuese, mes tyre dhe dronë kamikazë që nuk përdoren për të mbrojtur por për sulme kundër dikujt tjetër.”

Vlerësojmë se këto tensione do të vazhdojnë. Mund të ketë forma të tjera, një ndër tyre që kemi vërejtur prej datës 8 prill deri më 21 është një ushtrim që ushtria serbe po kryen në pjesën jugore të territorit të Serbisë. Është një ndër më të mëdhatë që ka zhvilluar ndonjëherë ushtria serbe. Në kohën që ky ushtrim po realizohet dhe përdorimi i pajisjeve dhe sistemit të armatimit në këtë ushtrim paraqet kërcënim për stabilitetin dhe sigurinë në Ballkan”, tha ai.

Lajme të ngjashme