"Diskutimet me të dy negociatorët ishin produktive", Lajçak flet për bisedat me Bislimin e Petkoviqin
Si çdo fundjavë, Miroslav Lajçak, përfaqësuesi i Bashkimit Evropian për dialogun Kosovë-Serbi, ofroi një pasqyrë përmbledhëse të zhvillimeve kryesore nga angazhimet diplomatike të javës. Në këtë kontekst, Lajçak përmedi takimin në Bruksel me kryenegociatorin serb, Petar Petkoviq dh video-konferencën me zëvendëskryeministrin e parë të Kosovës, Besnik Bislimi.
Në takimin me Pekoviqin, Lajçak bëri të ditur se fokusi i diskutimeve u përqëndrua në themelimin e Asociacionit të komunave me shumicë serbe në Kosovë, hapat e nevojshëm për zbatimin e Marrëveshjes për Rrugën drejt Normalizimit dhe obligime të ndryshme të tjera në pritje.
"Diskutimet tona mbuluan një sërë temash, duke përfshirë draft-statutin e BE-së për themelimin e Asociacionit të komunave me shumicë serbe në Kosovë, hapat e nevojshëm për zbatimin e Marrëveshjes për Rrugën drejt Normalizimit dhe obligime të ndryshme të tjera në pritje." - tha ai.
Ndërsa me zëvendësministrin Bislimi, i dërguari special i BE-së për dialogun tha se u diskutuar "diskutuar një listë gjithëpërfshirëse e çështjeve të Dialogut."
"Të mërkurën, u angazhova në një video-konferencë të detajuar me zëvendëskryeministrin e parë të Kosovës, Besnik Bislimi, duke diskutuar një listë gjithëpërfshirëse të çështjeve të Dialogut." - njoftoi Lajçak.
Postimi:
Me Krishtlindjet afër, javët e fundit të vitit në Bruksel janë veçanërisht të ngarkuara. Të hënën mirëprita në Bruksel kryenegociatorin serb, Petar Petkoviq.
Diskutimet tona mbuluan një sërë temash, duke përfshirë draft-statutin e BE-së për themelimin e Asociacionit të komunave me shumicë serbe në Kosovë, hapat e nevojshëm për zbatimin e Marrëveshjes për Rrugën drejt Normalizimit dhe obligime të ndryshme të tjera në pritje.
Të mërkurën, u angazhova në një video-konferencë të detajuar me zëvendëskryeministrin e parë të Kosovës, Besnik Bislimi, duke diskutuar një listë gjithëpërfshirëse të çështjeve të Dialogut.
Ne ramë dakord për hapat e ardhshëm në proces. Ndërsa diskutimet me të dy negociatorët ishin produktive, konsultimet e mëtejshme në periudhën e ardhshme do të jenë të nevojshme.
Përveç diskutimeve të mia dypalëshe, pata mundësinë të marr pjesë në një konferencë të organizuar nga Instituti Evropian i Paqes, ku ndava njohuri mbi përpjekjet e vazhdueshme për normalizim dhe diskutova raportin dhe rekomandimet e tyre të fundit.
I mirëprita përpjekjet e tyre të detajuara kërkimore dhe pres me padurim angazhimet e ardhshme.
