Dialogu Strategjik ishte propozim i Vjosa Osmanit: A e goditi ShBA-ja edhe presidenten?
Shtetet e Bashkuara të Amerikës kanë vendosur të pezullojnë përkohësisht Dialogun Strategjik të planifikuar me Kosovën.
Në njoftimin e ambasadës së SHBA-së në Prishtinë është thënë se kjo ka ndodhur për shkak të shqetësimeve mbi veprimet e qeverisë kujdestare që kanë shtuar tensionet dhe pasigurinë.
Një veprim i tillë po shihet edhe si goditje e ShBA-së ndaj presidentes Vjosa Osmani, e cila kishte kërkuar fillimi e një dialogut të tillë.
Në janar të këtij vitit, presidentja e Kosovës, Vjosa Osmani, kishte treguar se fillimin e këtij procesi e ka propozua në vitin 2021.
Në profilin e saj në “Facebook”, ajo kishte treguar për rendësin e këtij procesi.
“Pas propozimit që i kam dërguar Shteteve të Bashkuara të Amerikës, si Presidente e Republikës qysh në vitin 2021, pastaj rikonfirmuar në qershor të vitit 2022 nëpërmjet notës verbale si dhe në takimin me Sekretarin Blinken në korrik 2022, si dhe pas një pune të jashtëzakonshme të ekipeve tona përgjatë viteve të kaluara, sot në takim me Zëvendës Sekretarin amerikan Richard Verma m'u konfirmua se Kosova dhe SHBA-të do ta finalizojnë së shpejti Dialogun Strategjik”, kishte shkruar ajo, duke shtuar se kjo ishte një e arritur e jashtëzakonshme.
“Kjo është një e arritur e jashtëzakonshme që dëshmon se partneriteti i mirëfilltë, i bazuar në vlera dhe interesa të përbashkëta, gjithmonë sjell rezultate. Falënderoj Qeverinë e Shteteve të Bashkuara të Amerikës për këtë përkrahje ndaj popullit të Kosovës dhe mezi pres ta vazhdojmë bashkëpunimin intensiv në interes të Kosovës. Ekipet tona do të takohen së shpejti për ta finalizuar marrëveshjen për Dialogun Strategjik e cila do të përfshijë fusha shumë të rëndësishme në interes të qytetarëve të Kosovës”, kishte shkruar ajo.
Çfarë nënkupton kjo?
Dialogu Strategjik është një është një format zyrtar që SHBA-ja e përdor me disa shtete për të ngritur marrëdhëniet në një nivel më të lartë.
Ky proces që udhëhiqet nga Departamenti i Shtetit në shumicën e rasteve zhvillohet me vende të ndryshme të botës dhe ka për synim avancimin e marrëdhënieve bilaterale.
Procesi është një kornizë e përhershme bashkëpunimi, ku dy qeveritë diskutojnë në mënyrë të rregullt për fusha kyçe.
Ky bashkëpunim përfshinë fushat nga siguria dhe mbrojtja, ekonomia dhe investimet, demokracia dhe sundimi i ligjit si dhe çështjet rajonale dhe globale.
SHBA ka Dialog Strategjik me disa vende të rëndësishme partnere, p.sh. me Indinë, Japoninë, Gjeorgjinë, Moldavinë, Ukrainën. Para disa viteve, një dialog të tillë e kishte planifikuar edhe me Kosovën.
