Deputetët nuk votojnë për projektligjin rreth Shëndetit riprodhues dhe fertilizim të asistuar

Deputetët e Kosovës nuk votuan pro projekligjit për Shëndetin Riprodhues dhe Fertilues të Asistuar në seancën e mbajtur të enjtën.

Për këtë punë, 10 deputetë të pushtetit abstenuan.

Kryetari i Kuvendit, Glauk Konjufca tregoi se vetëm 53 deputetë morën pjesë në atë votim dhe i njëjti i është bartur seancës së ardhshme plenare.

“Po e konsideroj një rezultat që është përfundimtar, prandaj kjo çështje ky projektligj i bartet seancës së re”, tha ai në seancë.

Kundër këtij projektligji doli edhe një nga deputetët e LVV-së, Eman Rrahmani.

Rrahmani ka kërkuar nga ministri Vitia që ta tërheqë projektligjin dhe ta ndryshojë atë.

“Unë, meqë nuk vi nga kjo fushë dhe nuk dua të futem thellë dhe të diskutoj rreth përmbajtjes në përgjithësi, mirëpo parimisht mendoj se duhet të rishikohet ky projektligj i propozuar nga ministri për shkak se cenon familjen, vlerat e të cilës unë i mbroj, në njërën prej neneve në të cilën e drejta e fertilizimit u jepet edhe grave të pamartuara. Andaj unë personalisht nuk do të marrë pjesë në votim. Kështu, kisha kërkuar nga ministri që ta tërheq këtë projektligj”, ka thënë Rrahmani