Borrell flet me Blinken: Momenti i duhur që Kosova dhe Serbia të ecin drejt integrimit në BE
Josep Borrell, Përfaqësuesi i Lartë i Bashkimit Evropian për Politikë të Jashtme dhe Siguri, dhe Antony Blinken, sekretari amerikan i Shtetit, kanë thënë se është koha e duhur që Kosova dhe Serbia të bëjnë hapa të rëndësishëm përpara në interes të integrimit të të dyja vendeve në Bashkimin Evropian.
Kjo deklaratë u bë një ditë para takimit të kryeministrit të Kosovës, Albin Kurti, dhe presidentit të Serbisë, Aleksandar Vuçiq, në Ohër të Maqedonisë së Veriut. Në një bisedë telefonike të premten, Borrelli dhe Blinkeni u fokusuan në takimin që do të mbahet të shtunën në mes të dy krerëve.
Në diskutimin e tyre, Borrell theksoi rëndësinë e progresit në Dialog për aspiratat evropiane të të dyja palëve dhe vlerësoi mbështetjen e vazhdueshme të SHBA-së për përpjekjet e BE-së në këtë drejtim.
Të dy zyrtarët ranë dakord se ky është momenti i duhur për të bërë hapa të rëndësishëm përpara në interes të integrimit të Kosovës dhe Serbisë në BE.
"Borrell e informoi Sekretarin Blinken për zhvillimet e fundit lidhur me procesin e normalizimit të marrëdhënieve ndërmjet Kosovës dhe Serbisë, nënvizoi pritshmëritë e tij për takimin e Ohrit dhe nënvizoi rëndësinë e progresit në Dialog për aspiratat evropiane të të dyja palëve. Ai vlerësoi mbështetjen e vazhdueshme të qartë të SHBA-së për përpjekjet e BE-së, veçanërisht për Marrëveshjen për rrugën drejt normalizimit të marrëdhënieve dhe për procesin në prag të takimit të nivelit të lartë që Përfaqësuesi i Lartë po mblidhet me Presidentin Vuçiq dhe Kryeministrin. Ministri Kurti këtë të shtunë. Të dy ranë dakord se ky ishte momenti i duhur për të bërë hapa të rëndësishëm përpara në interes të integrimit të Kosovës dhe Serbisë në BE." - thuhet në njoftim.
Kujtojmë se takimi i Ohrit me 18 mars me kryeministrit Kurti dhe presidentit Vuçiq do të ndërmjetësohet nga Bashkimi Evropian, me pjesëmarrjen e përfaqësuesit të lartë Josep Borrell dhe emisarit Miroslav Lajcak.
Në takim pritet të diskutohet për planin e zbatimit të propozimit evropian dhe të përcaktohen afatet e veprimeve që do të ndërmerren. Dy krerët ishin pajtuar më 27 shkurt për përmbajtjen e propozimit evropian, dhe në takimin e shtunën pritet të merren masa konkrete për zbatimin e tij.
Për të arritur një konsensus të plotë në lidhje me normalizimin e marrëdhënieve midis Kosovës dhe Serbisë, Bashkimi Evropian dhe Shtetet e Bashkuara kanë shtuar presionin dhe kanë inkurajuar dy vende që të vazhdojnë me ndërmjetësimin e BE-së dhe të nënshkruajnë planin evropian.
