Zyrtarë policorë nga Kosova dhe Shqipëria kryejnë me suksese trajnimin për çaktivizimin e bombave
Policia e Kosovës ka njoftuar se janë certifikuar zyrtarë të Policisë së Kosovës dhe të Policisë së Shqipërisë në “Trajnimin Themelor për Teknik të Bombave”
Sipas njoftimit, Ky program, i zhvilluar në bashkëpunim me Njësinë Speciale për Trajtimin e Mjeteve Eksploduese, përfshiu trajnim teorik dhe praktik.
“Më 18 tetor 2024, në bazën e Njësive Speciale “Vrella”, përfundoi me sukses “Trajnimi Themelor për Teknik të Bombave”, ku pesë zyrtarë nga Policia e Kosovës dhe shtatë zyrtarë nga Policia e Shqipërisë u certifikuan pas trajnimit intensiv. Ky program, i zhvilluar në bashkëpunim me Njësinë Speciale për Trajtimin e Mjeteve Eksploduese (NJTME), përfshiu trajnim teorik dhe praktik, me qëllim rritjen e kapaciteteve në identifikimin dhe çaktivizimin e mjeteve eksplozive.” – thuhet në njoftimin e PK-së.
Tutje u bë e ditur se bashkëpunimi mes policive të të dyja vendeve ka kontribuar ndjeshëm në shkëmbimin e përvojave dhe forcimin e kapaciteteve të përbashkëta operacionale.
