Vetura në lëvizje goditi veturën e ndaluar në shiritin emergjent: Katër persona të lënduar nga aksidenti në Komoran
Policia e Kosovës ka dhënë detaje për aksidentin që ndodhi të mërkurën mbrëma në Komoran.
Sipas raportit 24 orësh të PK-së, në këtë aksident janë lënduar katër persona, dy prej tyre me lëndime të rënda trupore.
Policia ka bërë të ditur se “vetura në lëvizje që drejtohej nga i dyshuari mashkull kosovar ka goditur veturën e ndaluar në shiritin emergjent.”
Një person është arrestuar dhe dërguar në mbajtje.
Raporti i plotë:
AKSIDENT KOMUNIKACIONI ME LËNDIME TRUPORE
Komoran /13.12.2023-18:20. Raportohet për aksident trafiku në mes të dy veturave me targa vendore. Vetura në lëvizje që drejtohej nga i dyshuari mashkull kosovar ka goditur veturën e ndaluar në shiritin emergjent , në të cilën gjendeshin tre persona. Si pasojë e aksidentit lëndime trupore kanë pësuar katër persona të cilët janë dërguar për tretman mjekësor ku dy nga ta me lëndime të rënda trupore. I dyshuari është arrestuar dhe me vendim të prokurorit dërgohet në mbajtje.
