Vance niset për negociata me Iranin, përcakton prioritetet kryesore

Zëvendëspresidenti amerikan JD Vance tha se prioritetet e tij kryesore në negociatat me Iranin janë të vendosë strukturën e bisedimeve, të “bëjë përparim” për çështjet bërthamore dhe të arrijë një armëpushim në Liban.

“Do të kemi një nivel kryesor të udhëheqjes politike në krye dhe pastaj, sigurisht, ekipi teknik do të qëndrojë në terren,” tha Vance sot përpara nisjes për në Zvicër, raporton CNN.

Zëvendëspresidenti tha se do të mund të qëndronte në Zvicër vetëm për “një apo dy ditë”, por shpresonte të bënte përparime në negociatat lidhur me trajtimin e materialeve bërthamore të Iranit.

Vance tha se një prioritet është të bëhet përparim për një armëpushim në Liban, i cili është vënë sërish nën zjarr raketor nga Izraeli. Vance tha se situata është një çështje “që thjesht do të na duhet ta menaxhojmë vazhdimisht.”

“Këto janë dy gjërat e mëdha ku do të përqendrohemi. Jam i sigurt se iranianët do të kenë gjithashtu çështje që do të donin t’i diskutonin,” tha ai.