"Tregu i lirë", alarmon Ajvazi: A është qëllimi t’i fundosim me vetëdije qindra kompani prodhuese?
Eksperti financiar Kushtrim Ajvazi ka ngritur shqetësim lidhur me rritjen drastike të çmimit të energjisë elektrike për bizneset që operojnë në tregun e lirë.
Ajvazi bëri të ditur se se çmimi mesatar i energjisë për tri ditët e para të javës së fundit të qershorit në bursën ALPEX ka arritur në 143 euro për megavat-orë (€/MWh).
Kur këtij çmimi i shtohen kostot e transmetimit, balancimit dhe furnizimit, kostoja finale për bizneset mund të kalojë 210 €/MWh, çka përfaqëson një trefishim të tarifës rregulluese.
Reagimi i Ajvazit:
Java e fundit e qershorit — dhe faturat e para për energjinë në tregun e "lirë" po afrohen.
Çmimi mesatar i energjisë elektrike për tre ditët e para të kësaj jave në bursën ALPEX: 143 €/MWh. Kur këtij çmimi i shtohen kostot e transmetimit, balancimit dhe furnizimit, bizneset do të përballen me një çmim final mbi 210 €/MWh.
Trefish më shtrenjtë se çmimi i tarifës rregulluese.
Ndërkohë, Gjykata ka filluar pezullimin e vendimeve të paligjshme të ZRRE-së, duke konstatuar se shumë biznese janë futur në treg të lirë pa plotësuar kriteret ligjore.
A është ky qëllimi i vërtetë?
T’i fundosim me vetëdije qindra kompani prodhuese, pastaj të "reflektojmë" mbi rrënojat e ekonomisë?
