Tjetër problem për kosovarët, rriten normat e interesit për kredi
Disa banka komerciale në Kosovë kanë filluar t’i rrisin normat e interesit bankar.
Krejt këtë, po e bëjnë nën arsyetimin e rritjes së normës së Euribor-it në tregun Evropian.
Nga Banka Qendrore e Kosovës, siç raporton T7, kanë konfirmuar se për kreditë me norma variabile të interesit, mund të ndryshojë norma e interesit.
Në lidhje me këtë, ka folur edhe eksperti financiar, Florin Aliu, i cili ka kërkuar edhe hetim nga Autoriteti i Konkurrencës.
Kurse, profesori Negip Skënderi, ka kërkuar masa konkrete nga Qeveria në mbështetje të qytetarëve të Kosovës.
