Syla: Disave në diasporë u pengon zhvillimi i Kosovës, është një lloj xhelozie
Analisti Valon Syla, që njihet edhe për komentet e tij për Diasporën, ka thënë se disa mërgimtarëve iu pengon zhvillimi i Kosovës.
Syla ka thënë se ata e kanë “një lloj xhelozie”, ku ka treguar edhe një shembull për këtë gjë.
“Është një lloj xhelozie se shumicës në diasporë ju pengon pak edhe zhvillimi i Kosovës, e shohin pak edhe me xhelozi.” – ka thënë Syla në Pressing të T7.
“Një djalë i hallës ose një djalë i axhës nëse e blen një kerr të mirë, pyetja e parë që ta bën ai i diasporës është e ku i morët paret ju, se kishe ju veç i keni vjedhë prej shtetit, se unë jam dalë jashtë. Jam hy në kredi, kom hjeke me pru këtë Audi Q5 a çfarë e ka pru dhe thotë bukën me vete e marrë në punë.” – ka shpejguar ai.
Tutje, ai ka thënë se diaspora nuk e kupton Kosovën mirë.
“Ka shumë gjëra që në esencë kallxojnë që ata nuk e kuptojnë Kosovën mirë dhe profesionin që e kanë ata. Dmth është i nivelit tjerër edhe në Kosovë edhe në Gjermani, ata kurrë s’kan mujtë me bo këtë dallim ose s’kanë dashtë me pranu, disa e kanë pranu”.
“Dojnë me u bo bashkë me thanë që po e mbajna Kosovën e pa ta s’kemi të gjallë. Është e pavërtetë dhe një llaf palidhje që e ka instalu politika me jau marrë votat.” – ka thënë ai.
