Shpend Ahmeti me koment epik: Qeveritarët ia lanë Nenad Rashiqit Kosovën për të bërë tifo
Ish-kryetari i Komunës së Prishtinës, Shpend Ahmeti, e ka bërë një koment epik gjatë ditës së djeshme pasi u mor vesh se kryeministri Kurti kishte shkuar në Shqipëri për të bërë tifozllëk përkundër që në të njëjtin orar luante Kosova.
Në llogarinë e tij në platformën X, Ahmeti ka kritikuar dhe është tallur me qeveritarët që përkrahën Shqipërinë dje duke e harruar kombëtaren e Kosovës.
“Sonte qeveritarët e paskan harru Kosovën. Ja paskan lon Rashiqit me bo tifo. Na edhe mundemi me bo lëshime, qeveria e Rep. së Kosovës jo.” – u shpreh Ahmeti.
Kujtojmë se përveç kryeministrit Kurti në stadiumin Air Albania mbrëmë ishte edhe ministri i Punëve të Brendshme, Xhelal Sveçla.
Postimi i plotë:
Kur luan Shqipëria unë gëzohem si me lujt Kosova. Por nuk harroj që sonte lun Kosova, pa marr parasysh a kanë gjasa për kualifikim a jo. Sonte qeveritarët e paskan harru Kosovën. Ja paskan lon Rasicit me bo tifo. Na edhe mundemi me bo lëshime, qeveria e Rep. së Kosovës jo.
— Shpend Ahmeti (@ShpendA) October 12, 2023
