Shefi i mbrojtjes ukrainase thotë se Rusia ka shteruar rezervat e saj të raketave precize
Kreu i Inteligjencës së Mbrojtjes të Ukrainës tha se Rusia pothuajse ka shteruar arsenalin e saj të raketave me precizion të lartë dhe deri më tani nuk ka marrë raketa balistike nga Irani, shkruan CNN.
Kyrylo Budanov tha në televizionin ukrainas se rezervat ruse të armëve raketore me precizion të lartë "tashmë po i afrohen fundit".
“Megjithatë, siç e shohim, ata vendosën të shkojnë deri në fund, në zero, gjë që në fakt është shumë e keqe për vetë Federatën Ruse dhe ushtria atje është e vetëdijshme për këtë problem”, tha ai.
CNN nuk është në gjendje të verifikojë nivelin e stoqeve të raketave ruse, i cili më parë është nënvlerësuar nga zyrtarët ukrainas.
"Ka prodhim të raketave të reja, por është absolutisht i pakët, në krahasim me numrin e madh që ata përdorin. Prodhohen vetëm disa lloje të armëve raketore me precizion të lartë." - tha Budanov.
"Në realitet, ata kanë [raketat] për disa sulme të tjera në shkallë të gjerë dhe ato do të arrijnë zero të plotë," pohoi ai.
Budyanov tha gjithashtu se "deri tani, Irani nuk i ka dorëzuar asnjë raketë balistike Rusisë".
