ShBA ndan edhe 625 milionë dollarë ndihmë ushtarake për Ukrainën
Shtetet e Bashkuara kanë njoftuar planet për të ofruar një ndihmë ushtarake shtesë prej 625 milionë dollarësh për Ukrainën, një paketë që përfshin sisteme shtesë të avancuara raketash, të cilat janë kredituar për të ndihmuar ushtrinë e vendit të fitojë në luftën e saj me Rusinë.
Presidenti Joe Biden, gjatë një telefonate me presidentin ukrainas Volodomyr Zelensky, ka dhënë detaje mbi pakon e fundit – e cila përfshin katër sisteme raketash të artilerisë së lëvizshmërisë së lartë, të njohura si HIMARS, 200 automjete rezistente ndaj minave, qindra mijëra fishekë artilerie dhe municione mortajash.
Udhëheqësit e ShBA-së dhe Ukrainës folën ndërsa dhoma e lartë e parlamentit rus miratoi zyrtarisht aneksimin e pjesëve të territorit ukrainas pas referendumeve që Ukraina dhe aleatët e saj perëndimorë i cilësuan si të rreme.
Në një deklaratë të dhënë nga Shtëpia e Bardhë, u tha se:
“Presidenti Biden pohoi gjithashtu gatishmërinë e vazhdueshme të Shteteve të Bashkuara për të imponuar kosto të rënda ndaj çdo individi, entiteti apo vendi që ofron mbështetje për aneksimin e supozuar të Rusisë”.
