S’dihet çka do të ndodhë me bisedimet për paqe ShBA-Iran, ministri i jashtëm iranian largohet nga Pakistani
Ministri i Jashtëm i Iranit, Abbas Araghchi, u largua nga Islamabadi të shtunën në mbrëmje sipas orës lokale, sipas burimeve iraniane të njohura me diskutimet, pas takimeve në kryeqytetin pakistanez për të diskutuar një armëpushim me Uashingtonin dhe për t’u konsultuar me aleatët kryesorë në rajon.
Nuk është e qartë se ku do të udhëtonjë më pas Araghchi, por Ministria e Jashtme e Iranit kishte deklaruar më herët se ai do të vizitonte gjithashtu Omanin dhe Rusinë gjatë këtij udhëtimi.
Araghchi mbërriti në Islamabad të premten në mbrëmje për një seri takimesh me udhëheqjen më të lartë të Pakistanit, përfshirë kryeministrin Shehbaz Sharif dhe shefin e ushtrisë së vendit, Field Marshal Asim Munir, i cili ka shërbyer si një ndërmjetës kyç midis Teheranit dhe Uashingtonit.
Shtëpia e Bardhë tha të premten se një delegacion amerikan do të udhëtojë drejt Islamabadit këtë fundjavë, por mediat iraniane kishin mohuar raportimet se Araghchi do të negocionte drejtpërdrejt me Uashingtonin gjatë vizitës së tij, duke e lënë të paqartë statusin e bisedimeve.
