"S'lejojmë ndërhyrjen", ministri maqedonas i reagon Vuçeviqit për gjuhën kërcënuese

Maqedonia e Veriut është kundërpërgjigjur ndaj komenteve të fundit të ministrit të Brendshëm të Serbisë, Millosh Vuçeviq, në lidhje me njohjen e Kosovës. Kjo vjen menjëherë pas reagimit të Malit të Zi dhe Shqipërisë për të njëjtën çështje.

Ministri i Punëve të Jashtme të Republikës së Maqedonisë së Veriut, Bujar Osmani, përmes një postimi në "X", ka thënë Maqedonia e Veriut nuk lejon ndërhyrjen dhe vërejtjet e papërshtatshme nga zyrtarët e shtetit fqinjë (Serbisë).

Më tej ai ka theksuar se shteti maqedonas është i fokusuar për stabilitet dhe bashkëpunim rajonal, duke përfshirë Serbinë dhe Kosovën.

"Maqedonia e Veriut refuzon ndërhyrjen dhe vërejtjet e papërshtatshme nga zyrtarët fqinjë. Ne qëndrojmë për stabilitet dhe bashkëpunim rajonal, duke përfshirë Serbinë dhe Kosovën. Në pritje të sqarimit nga ministri i Mbrojtjes i Serbisë", ka shkruar ai në "X".