Raportohet se një kosovar në Zvicër ka therur me thikë për vdekje një tjetër kosovar
Një mosmarrëveshje në Zvicër mes dy kosovarëve ka përfunduar me fatalitet, të dielën në mbrëmje.
Sipas Gazetës Blick, rasti ka ndodhur në Biere në katonin e Vuad-it, ku 28-vjeçari është therur me thikë për vdekje nga 55-vjeçar, tashmë i arrestuar.
Policia ka bërë të ditur se për rastin ishte njoftuar nga një person dhe se 28-vjeçari kishte vdekur në vendin e ngjarjes.
Thuhet se viktima dhe i dyshuari njiheshin mes vete, mirëpo deri më tani ende nuk dihen rrethanat se si erdhi deri tek ngjarja tragjike.
Prokuroria publike tashmë ka filluar hetimet.
