Raportohet për disa të vrarë nga sulmet ruse në dy rajone të Ukrainës
Të paktën pesë persona raportohet të jenë vrarë nga sulmet ruse në Chuhuiv dhe Nikopol të Ukrainës.
Një sulm rus me raketa e goditi qytezën verilindore, Chuhuiv, në rajonin Kharkiv, gjatë natës, duke vrarë tre persona dhe duke plagosur tre të tjerë, tha të shtunën guvernatori rajonal.
Nga ky sulm u dëmtuan një ndërtesë dykatëshe e banimit, një shkollë dhe një dyqan, ndërsa shpëtuesit po kërkojnë njerëz nën rrënoja, thanë policia dhe guvernatori Oleh Synehubov.
Një zyrtar i policisë lokale tha se forcat ruse hodhën katër raketa në qytezë nga një vend afër qytetit rus, Belgorod, rreth orës 3 e 30 minuta të mëngjesit.
Ndërkohë dy persona raportohet të jenë vrarë në Nikopol, në jug të Ukrainës, nga bombardimet e rënda ruse. Lajmin e raportuan shërbimet emergjente dhe guvernatori rajonal.
Shpëtuesit i gjetën trupat e dy njerëzve nën rrënoja. Guvernatori rajonal i Dniptropetrovsk-it, Valentyn Reznichenko, tha se Rusia hodhi 53 raketa të tipit “Grad” në qytezë.
