Qeveria e Serbisë i reagon Komunës së Skenderajt për Faton Hajrizit pas anulimit të një koncerti
Drejtori i të ashtuquajturës zyrë serbe për Kosovën, Petar Petkoviq, ka reaguar pasi komuna e Skenderajt anuloi një mbrëmje muzikore, pas vrasjes së Faton Hajrizit.
Petkoviq ka bërë pretendime se vrasësit e serbëve për Kosovën janë heronj.
“Kështu e kujtojnë Prishtina dhe Kurti kriminelin dhe terroristin që vrau policin serb Nikola Krsmanoviq! Ata anulojnë ngjarjet zyrtare në shenjë zie dhe e nderojnë atë. Vrasësit e serbëve për Kosovën janë heronj!” – ka shkruar ai në rrjetin social “X”.
Овако Приштина и Курти славе злочинца и терористу који је убио српског полицајца Николу Крсмановића! Отказују званичне догађаје у знак жалости и одају му признање. Убице Срба за тзв. Косово су хероји!https://t.co/V8VLoq5mes
— Петар Петковић (@PetkovicPetar) July 19, 2024
Ndryshe, kryetari i Komunës së Skenderajt, Fadil Nura konfirmoi se është anuluar një mbrëmje muzikore e planifikuar për sonte.
Përmes një shkrimi në Facebook, ai ka thënë se mbrëmja muzike në kuadër të “Ditëve të Mërgatës” është anuluar plotësisht.
“Pa gjykuar as edhe një fragment të jetës së tij, Fatoni ka qenë një qytetar i komunës sonë.
Aktivitetet e parapara për bashkatdhetarë do të vazhdojnë nga dita e nesërme.” – ka thënë ai.
