Putin nënshkruan dekretin që bën 'korrigjime' në urdhërin e mobilizimit
Presidenti rus Vladimir Putin ka nënshkruar një dekret që bën "korrigjime" në lëvizjen e pjesshme të mobilizimit të shpallur muajin e kaluar.
Duke folur në televizionin shtetëror, gjatë një takimi me mësuesit, Putin tha se dekreti do të shtynte rekrutim për disa kategori studentësh, duke përfshirë ata të regjistruar në universitete private të akredituara dhe studentë të caktuar pasuniversitar.
Putin shtoi se Rusia ka "respekt të madh" për popullin ukrainas, pavarësisht nga ajo që ai e quajti "situatën aktuale".
Ndërsa, duke iu referuar katër rajoneve ukrainase të kontrolluara pjesërisht nga Rusia që ai shpalli territor rus të premten, presidenti rus tha se priste që situata atje të "stabilizohej".
Lëvizja e mobilizimit, e shpallur më 21 shtator, bëri që ministri rus i mbrojtjes Sergei Shoigu të planifikonte të angazhonte 300,000 burra për të forcuar pushtimin e Ukrainës nga Moska. E që nga dhënia e këtij urdhëri, në të gjitha vendkalimet e Rusisë u krijuan radhë të gjata me njerëz që donin të iknin nga vendi.
