Policia e Ukrainës zbulon një rrjet të abuzimit seksual me fëmijë rusë

Policia ukrainase ka zbuluar një rrjet të përhapur të abuzimit seksual të fëmijëve, që përfshinte dhjetëra fëmijë rusë, imazhet dhe videot e të cilëve dyshohet se tregtoheshin brenda dhe jashtë vendit - por tha se për shkak të luftës ishte e pamundur që rasti të ndiqej edhe më tej.

Sipas The Guardian lidhur me rastin është arrestuar një burrë ukrainas, ndërsa janë identifikuar 15 fëmijë rusë, të cilët aktualisht banojnë në Rusi, por prokurorët në rajonin e Kievit kanë thënë se nuk janë në gjendje të gjurmojnë viktima të tjera ose të arrestojnë të dyshuar të tjerë për shkak të ndërprerjes së marrëdhënieve Rusi-Ukrainë që nga pushtimi.

"Këto lloj krimesh janë fatkeqësisht të zakonshme kudo, në Ukrainë dhe Evropë," tha Oleh Tkalenko, një prokuror i lartë për rajonin e Kievit, i cili drejtoi hetimin. “Por ajo që na tmerron është përmasa e madhe e këtyre krimeve në Rusi”, ka shtuar më tej ai.