Parashikimi i motit për sot në Kosovë
Instituti Hidrometeorologjik i Kosovës ka njoftuar se gjatë vikendit do të ketë mot me reshjet shiu ndërsa në viset malore do të shoqëorhen edhe me borë.
Sipas IHMK-së, temperaturat minimale do të lëvizin ndërmjet 5-9 gradë Celsius, ndërsa maksimalet e ditës parashihen të lëvizin ndërmjet 13-15 gradë Celsius.
“Do të mbajë mot kryesisht i vranët dhe vende-vende me riga shiu. Të dielën reshjet do të jenë të intensitetit të mesëm deri të lartë dhe parashihen të përfshijnë gjithë territorin, ndërsa në viset malore reshjet e shiut do të shoqërohen edhe me borë. Temperaturat minimale do të lëvizin ndërmjet 5-9 gradë Celsius, ndërsa maksimalet e ditës parashihen të lëvizin ndërmjet 13-15 gradë Celsius. Do të fryjë erë nga drejtimi i verilindjes e lehtë deri mesatare.”, thuhet në njoftimin e tyre.
