Paralajmërimet për stuhi, AME apel urgjent qytetarëve për kujdes dhe gatishmëri të shtuar
Pas paralajmërimeve të Institutit Hidrometeorologjik se edhe sot Kosova mund të përfshihet nga një stuhi, ka reaguar Agjencia për Menaxhimin e Emergjent.
Përmes një njoftimi, AME ju ka bërë thirrje qytetarëve për kujdes të shtuar.
Kjo agjenci ka treguar për rreziqet kryesore.
“Rreziqet kryesore dhe ndikimet e mundshme: • Përmbytje të shpejta lokale në zonat me reshje intensive; • Dëmtime në objekte, automjete, infrastrukturë dhe kultura bujqësore, veçanërisht nga breshëri dhe erërat e forta; • Rritje e rrezikut për ndezjen e zjarreve si pasojë e shkarkimeve atmosferike. • Pengesa në sistemet e telekomunikacionit. • Dëmtime në rrjetin elektroenergjetik dhe ndërprerje të furnizimit me energji elektrike. • Rrezik i lartë nga goditjet e rrufesë, me pasoja të mundshme për njerëzit dhe kafshët”, ka vlerësuar AME, duke treguar edhe udhëzimet e sigurisë për qytetarët.
“Udhëzime sigurie për qytetarët: • Qëndroni në ambiente të sigurta gjatë stuhisë dhe shmangni lëvizjet e panevojshme;• Mos u strehoni nën pemë të larta apo pranë objekteve metalike dhe shtyllave elektrike; • Kujdes në komunikacion: Përshtatni shpejtësinë dhe shmangni rrugët apo nënkalimet e mbuluara nga uji; • Siguroni pronën: Largoni ose siguroni pajisjet dhe sendet në ballkone e oborre që mund të dëmtohen nga era apo breshëri. Njësitë e Zjarrfikjes dhe Shpëtimit, së bashku me Qendrat Operative Emergjente, janë në gatishmëri të plotë reaguese në të gjithë territorin e vendit”, ka bërë me dije kjo agjenci, duke treguar edhe numrat që duhet kontaktojnë qytetaret në raste rreziku.
