Pamje: Sulm ukrainas në Voronezh të Rusisë, raportohet për pesë të vrarë

Një sulm ukrainas me raketë ndaj qytetit Voronezh në Rusi të hënën la të vrarë pesë njerëz dhe disa të tjerë i plagosi, tha guvernatori rajonal, Alexander Gusev.

Ai shtoi se një zonë industriale në bregun e majtë të Lumit Voronezh i pësoi dëmet më të rënda.

Sulmi nxiti një zjarr që më vonë u shua, raporton agjencia e lajmeve “Reuters”.

Ushtria ukrainase tha se kishte goditur një fabrikë në rajonin Voronezh që prodhon pajisje elektronike për raketa.

Në rrjetin X janë publikuar pamje të një ndërtese të kapluar nga zjarri dhe tymi i madh.