Pamje: Forcat ukrainase duke e sulmuar urën në Khersonin e pushtuar

Në një video të paverifikuar, që po qarkullon gjerësisht në rrjete sociale, pretendohet se shfaqen sulmet ajrore ukrainase ndaj një ure të rëndësishme në qytetin e pushtuar nga rusët në jug të Ukrainës, Kherson.

Mediumi ukrainas, “Kyiv Post”, raportoi se ura është shkatërruar nga ushtria ukrainase, ndonëse theksoi se për këtë ngjarje është duke e pritur konfirmimin zyrtar.

Këshilltari presidencial ukrainas, Anton Herashchenko, tha se sistemet HIMARS i kanë dhënë një goditje tjetër të fuqishme njërës nga dy urat e Lumit Dnieper, që, sipas tij, përdoren nga pushtuesit për transferim masiv të trupave.