Osmani pret në takim ambasadorin amerikan, flasin për propozime rreth një zgjidhje për rregulloren e re të BQK-së
Presidentja e Kosovës, Vjosa Osmani ka pritur sot në takim ambasadorin amerikan, Jeff Hovenier.
Në takim, sipas një komunikate të presidencës së Kosovës, është diskutuar për “propozimet që ofrojnë zgjidhje të qëndrueshme për planin e tranzicionit për zbatimin e rregullores së BQK-së”.
Tutje, sipas komunikatës, Osmani në takim ka ritheksuar mirënjohjen për mbështetjen e ShBA-së ndaj Kosovës.
“Në mes tjerash, në takim u diskutua po ashtu edhe për bashkëpunimin për sa i përket agjendës ndërkombëtare në muajt në vijim si dhe për bashkëpunimin në fushën e mbrojtjes.” – thuhet në fund.
