Një kompani amerikane synon të investojë në Kosovë: “Do të punësohen 5 mijë persona”
Kompania “American Exploration and Mining LLC” nga Amerika do të investojë në Kosovë 800 milionë euro.
Kështu tha një konferencë të jashtëzakonshme kryetari i Sindikatës së Pavarur të Sektorit Privat, Jusuf Azemi.
Sipas tij, ky është investimi më i madh në Ballkan ku edhe do të punësohen deri në 5 mijë punëtorë direkt e deri në 20 mijë indirekt.
Ai ka kërkuar nga Qeveria që të mundësojë lejen e punës dhe sa më shpjet të nisin punimet, madje ka bërë të ditur se edhe ambasada amerikane ka rekomanduar që projekti të shtyhet përpara.
“Kërkojmë nga Qeveria e Kosovës që t’i ofrojë mbështetje dhe gjithçka që është me ligjet e Kosovës, ata kanë ardhur këtu me ligjet që i kemi në fuqi. Ambasada amerikane e ka bërë rekomandimin te Qeveria e Kosovës që të kalojë ky projekt. Ne nuk shohim asnjë dyshim kur ambasada amerikane është këtu.. Ne duam ta shtyjmë këtë projekt para në baza ligjore, nuk duam të na ikin investitorët”.
“Fakti që rreth 40 milionë euro do të jepen për punëtorët e sektorit privat të Kosovës, është kapital i pastër “, ka shtuar Azemi.
