“Nëse më thërrasin për nënshkrim në Bruksel, shkoj”: Kurti thotë se s’ka ende ftesë për takim të Nivelit të Lartë

Kryeministri i Kosovës, Albin Kurti, pyetur nga gazetarët – tash një vit që nga Marrëveshja Bazike – se a pritet të ketë takim të Nivelit të Lartë mes tij dhe Presidenti të Serbisë, Aleksandar Vuçiq, ka lënë të kuptohet që nuk do të ketë raund të ri negociatash në Bruksel.

Por, tha ai, që nëse ftohet për nënshkrim të Marrëveshjes Bazike dhe Aneksit Zbatues të Ohrit, ai tha se “shkoj”.

“Unë këtë e bëjë për Bashkimin Evropian, por e bëjë edhe për shkak se duhet të kemi marrëdhënie normale me Serbinë. Sa për mua këto do të normalizoheshin qysh vitin e kaluar por nëse nuk është bërë në shkurtin e marsin e vitit të kaluar e mund të bëhet në shkurtin e marsin e vitit 2024, e pse jo në takimim që kam pasur në Munih ne kuader të Konferencës së Sigurisë”, tha Kurti.