“Ne nuk ndalemi derisa të vendoset drejtësia”, Nesër protestohet për Daorsën në Gjakovë

Nesër, të dielën, më 23 nëntor, pritet të mbahet një protestë në Prishtinë, e thirrur në kërkim të drejtësisë për Daorsa Spahinë, 25-vjeçarja e cila humbi jetën tragjikisht në Tetovë më 6 nëntor.

Organizatorët kanë njoftuar se tubimi do të nisë në orën 12:00 dhe synon të bëjë presion mbi institucionet e Kosovës për të ndërmarrë veprime të vendosura dhe për të siguruar drejtësi për viktimën.

Organizatorët shprehen se ngjarja tragjike nxjerr në pah dështimin e institucioneve të Maqedonisë së Veriut:

“Daorsa u la e pambrojtur nga institucionet e Maqedonisë së Veriut. Shteti i Kosovës duhet të angazhohet dhe të veprojë me vendosmëri”.

“Ne nuk ndalemi derisa të vendoset drejtësia”, thuhet në mesazhin e organizatorëve të protestës.