Memli Krasniqi e Lumir Abdixhiku janë marrë në mbrojtje, policia flet për rastin
Policia e Kosovës ka konfirmuar se Njësia për Mbrojtjen e Afërt e Policisë së Kosovës ka marrë në mbrojtje dy liderët e partive më të mëdha opozitare, Memli Krasniqin e PDK-së dhe Lumir Abdixhikun e LDK-së. Por nuk janë bërë e ditur arsyet.
Lajmin për ofrim të mbrojtjes së afërt ndaj kreut të PDK-së, Memli Krasniqi e ka konfirmuarpër Nacionalen drejtor i Komunikimit në PDK, Valmir Klaiqi.
"Po, me rekomandim të Drejtorisë së Përgjithshme të Policisë së Kosovës, kryetarit të Partisë Demokratike të Kosovës, Memli Krasniqi, i është ofruar një ekip i njësisë së mbrojtjes së afërt të Policisë", tha Valmir Klaiqi, drejtor i Komunikimit në PDK.
Ndërsa lajmin se patrullat e mbrojtjës së afërt të Policisë së Kosovës janë vënë tek të dy liderët opozitar e ka konfirmuar udhëheqësi i Njësisë për Vlerësimin e Rrezikshmërisë në Policinë e Kosovës, Ismet Jashari.
“Po, është e vërtetë se i kemi ofruar mbrojtje”, ka thënë ai për Reporteri.net.
Por, Jashari nuk ka dhënë informacione se cilat janë arsyet e ofrimit të kësaj mbrojtjeje dhe nëse dy liderët kanë marrë kërcënime serioze
“Nuk mund mund të flas sepse këto të dhëna janë konfidenciale.”, tha Jashari.
