Me shtatë "nga" Abazi kritikon politikanët: Me poçavra të ndyera nuk ka ndryshim
Deputeti i VV-së, Haki Abazi, me anë të një shkrimi në Facebook ka kritikuar politikanë kosovarë, duke mos përmenduar emra po veprimet të tyre.
Abazi ka kritikuar fillimisht liderin e tij, Albin Kurti dhe kryetarë e partive opozitare.
Ai ka përmendur punën e tatuve si dhe zhdukjen e provave për Astrit Deharin.
Më tej, Abazi ka thënë se “me poçavra të ndyera gjatë tranzicioneve dhe me njerëz të “brymosyr” me ideologji përlyese e përjashtuese nuk ndërtohet kohezioni dhe as nuk mbrrihen rezultatet e ndryshimit transformues.”.
Shkrimi i plotë:
Progresi transformues, apo!
Nga tattoo e JNA në tattoo të liderve politikë.
Nga djemtë në arkivolet e ushtrisë së Jugosllavisë në zhdukjen e provave të njerëzve dhe aktivistëve poltiikë.
Nga shkatërrimi i ekonomisë nga Milloshevici në shitjen masive e të ndërrmarrjeve publike e shoqërore.
Nga tokat e bujqërve në tokat djerrina të privatizuara.
Nga Ambasadorja e ndarjes në kritikues të mërzitshëm, kot.
Nga tranzicioni i gjatë e i dhimbshëm në tranzicionin e fjalëve dhe indoktrinimit ideologjik.
Nga sejmenet e Serbisë në sejment e ndërkombëtarëve deri tek infiltrimet në çdo pushtet…
Patriotizmi që matet kush më i pari e më fort i bën gjykimin publik një shqiptari…
Me poçavra të ndyera gjatë tranzicioneve dhe me njerëz të “brymosyr” me ideologji përlyese e përjashtuese nuk ndërtohet kohezioni dhe as nuk mbrrihen rezultatet e ndryshimit transformues.
