Manchin mbështet planin për energji dhe ndryshime klimatike të kërkuar nga Biden
Në një përparim të papritur, senatori amerikan Joe Manchin, e ka kthyer mbrapsht kundërshtimin e tij ndaj një projekt-ligji, duke njoftuar se do të mbështesë një paketë që përfshin investime të mëdha në çmimin e barnave si dhe dispozita për të adresuar ndryshimet klimatike dhe taksat mbi të pasurit.
Në një deklaratë të përbashkët me udhëheqësin e shumicës në Senatin amerikan, Chuck Schumer, Manchin ka njoftuar për marrëveshjen e arritur pas dy mujash negociatash mes të dyve.
“Akti i Reduktimit të Inflacionit të vitit 2022 do të sjellë një paradhënie historike për reduktimin e deficitit për të luftuar inflacionin, për të investuar në prodhimin vendas të energjisë dhe për të reduktuar emetimet e karbonit me afërsisht 40 për qind deri në vitin 2030”, thanë Schumer dhe Manchin, duke shtuar se është arritur edhe një marrëveshje me Biden dhe Pelosin për të miratuar legjislacionin gjithëpërfshirës përpara fundit të vitit.
Sipas një përmbledhjeje prej një faqeje, ndër të tjera projektligji do të përfshijë 369 miliardë dollarë shpenzime për sigurinë e energjisë dhe ndryshimet klimatike.
Edhe pse, marrëveshja e fundit sjell një përparim shumë të madh për agjendën e presidentit Joe Biden, në mënyrë që të bëhet ligj dhe të arrijë në tryezën e tij, do të ketë nevojë edhe për mbështetjen e 50 senatorëve demokratë.
