Lajçak takohet me komandantin e KFOR-it: Flasin rreth zhvillimeve në terren dhe për tensionet e mundshme në veri të Kosovës
I dërguari special i Bashkimit Evropian për dialogun ndërmjet Kosovës dhe Serbisë, Miroslav Lajçak, ka zhvilluar një takim me komandantin e KFOR-it, Gjeneral Major Ristuccia në Bruksel.
Në lidhje me takimin ka njoftuar emisari Lajçak në X, ku tha se me komandantin e KFOR-it kanë biseduar për zhvillimet në veriun e Kosovës.
Tutje, diplomati evropian ka falënderuar Ristuccia-n, për rëndësinë që e ka KFOR-i në ndërtimin e një mjedisi të sigurt në Kosovë.
”Sot mirëpritëm në Bruksel komandantin e KFOR-it, Gjeneral Major Ristuccia. Është e rëndësishme të shkëmbejmë informacione mbi zhvillimet në terren dhe të ndajmë vlerësimet tona mbi burimet e mundshme të tensioneve në të ardhmen. Mirënjohës për punën jetike të KFOR-it në ndërtimin e një mjedisi të sigurt në Kosovë”, ka shkruar Lajçak.
Welcomed @NATO_KFOR Commander Major General Ristuccia to Brussels today. Important to exchange notes on developments on the ground and share our assessments on potential sources of future tensions. Grateful for KFOR’s vital work in building a secure environment in Kosovo. pic.twitter.com/CPQisgYkth
— Miroslav Lajčák (@MiroslavLajcak) September 5, 2023
