Kushtetuesja hedh poshtë ankesat e dy kandidatëve për Kryeprokuror të Shtetit
Gjykata Kushtetuese e Republikës së Kosovës ka hedhur poshtë ankesat e dy kandidatëve për Kryeprokuror të Shtetit.
Këtë e konfirmoi vet institucioni më i lartë juridik përmes një komunikate të publikuar në sajtin zyrtar.
“Paneli Vlerësues, i përcaktuar sipas rregullores të Këshillit Prokurorial për Emërimin e Kryeprokurorit të Shtetit dhe Kryeprokurorëve të Prokurorive të Kosovës, kishte renditur parashtruesit e kërkesave në pozitën e dytë (2) dhe të katërt (4) respektivisht, ndërsa kandidatin Blerim Isufaj në pozitën e parë”, thuhet ndër të tjerash në aktvendimin e Gjykatës.
