Kurti publikon fotot e takimit ku Edi Rama ia mbylli sytë, nuk publikon pamje nga momenti i sikletshëm
Kryeministri i Kosovës, Albin Kurti po qëndron në Berlin ku po merr pjesë në kongresin e 30-të të forcave politike progresiste (PES).
Kurti ka shpërndarë disa fotografi në Twitter nga vizita atje, ku shihet se ka diskutuar edhe me kancelarin gjerman, Olaf Scholz.
“Sot në Berlin mora pjesë në kongresin e PES. Kongresi u pasua nga një darkë ku takova liderë dhe politikanë të tjerë socialdemokratë”, tha ai.
Today in Berlin I attended the @PES_PSE Congress followed by a dinner where I met fellow social-democratic leaders and politicians. We discussed how we can work together to tackle global challenges, and to achieve common goals for a progressive future. pic.twitter.com/M1RTuE7XPz
— Albin Kurti (@albinkurti) October 14, 2022
Shefi i ekzekutivit në postimin e tij ka bërë të ditur se kanë diskutuar se si mund të punojnë në trajtimin e sfidave globale dhe arritjen e qëllimeve të përbashkëta.
“Ne diskutuam se si mund të punojmë së bashku për të trajtuar sfidat globale dhe për të arritur qëllimet e përbashkëta për një të ardhme progresive”, tha ai.
Kurti në foto, shihet se ka qenë i ulur pranë kryeministrit shqiptar, Edi Rama i cili “e befasoi” sot, duke ia mbyllur sytë.
