Kurti njofton për shtrimin në emergjencë të bashkëshortes së William Walker

Kryeministri në detyrë, Albin Kurti, ka njoftuar se bashkëshortja e ambasadorit William Walker është shtrirë në emergjencën e Vitisë.

Lajmin ai e bëri gjatë fjalimit të tij mbrëmë në Akademinë e “Flakës së Janarit” në Gjilan.

“Me këtë rast i bashkëngjitem urimeve për shëndetin e gruas së tij, e cila për shkak të një problemi shëndetësor, ndoshta edhe arrest kardiak, po trajtohet në emergjencë në komunën e Vitisë. Shpresojmë në rikuperim të plotë dhe të shpejtë të saj”, tha Kurti, teksa përmendte kontributin e Ambasadorit Walker në denoncimin e Masakrës së Reçkaut.