Kurti me të ngarkuarën me punë në ambasadën amerikane: Falënderojmë ShBA-në për mbështetjen ndaj Kosovës
Zyra e Kryeministrit njoftoi për një takm mes Albin Kurtit dhe të ngarkuarës me punë në ambasadën amerikane në Kosovës, Anu Prattipati, të cilën edhe e falënderoi, sipas ZKM-së, për mbështetjen e Shteteve të Bashkuara të Amerikës ndaj Kosovës,
Në takim, mes tjerash, u diskutua edhe për çështjen e krijimit të institucinoneve pas zgjedhjeve parlamentare të 9 shkurtit, sipas komunikatës për media.
Postimi i plotë:
Kryeministri i Republikë së Kosovës, Albin Kurti takoi të ngarkuarën me punë në Ambasadën e Shteteve të Bashkuara të Amerikës në Kosovë, Anu Prattipati.
Në këtë takim, kryeministri Kurti dhe e ngarkuara me punë, Prattipati diskutuan për zhvillimet e fundit në vend, me theks te mbarëvajtja e zgjedhjeve të 9 shkurtit, përmbyllja e procesit zgjedhor dhe hapat drejt formimit të institucioneve në legjislaturën e 9-të.
Teksa presim përfundimin e numërimit të votave dhe certifikimit të rezultatit zgjedhor nga Komisioni Qendror i Zgjedhjeve, kryeministri u shpreh se qeveria po vazhdon punën e saj të përditshme në përmbushjen e detyrave e përgjegjësive dhe shërbimin ndaj të gjithë qytetarëve, pa dallim.
Ai falënderoi të ngarkuarën me punë në ambasadën amerikane, Prattipati për kontributin e madh dhe mbështetjen e vazhdueshëm të Shteteve të Bashkuara të Amerikës ndaj Kosovës.
