Barazimi me Zvicrën, Kurti: Nuk mund të ketë humbës sepse ka festë, ka krenari
Kryeministri i Kosovës, Albin Kuri, ka uruar Kosovën pas barazimit ndaj Zvicrës, që i lë të hapura shpresat për kualifikim.
"Besuam deri në fund, siç besojmë ende në kualifikim" - ka shkruar Kurti pas ndeshjes duke i falënderuar lojtarët për emocionet.
"Ndërmjet Zvicrës së Xhakës, Shaqirit, Bislimit e Jasharit dhe Kosovës së Dardanëve, nuk mund të ketë humbës sepse ka festë, ka krenari. Besuam deri në fund, siç besojmë ende në kualifikim. Ju lumtë lojtarëve për rezultatin. Ju faleminderit për emocionet." - shkroi Kurti.
